" Bukalenga bua mu mpolovensa budi pabu bishi ne budi ne mudimu kayi ? "

Fichier audio : téléchargez Flash pour écouter.

” Bukalenga bua mu mpolovensa budi pabu bishi ne budi ne mudimu kayi ? ”

* Rjk: Mireille Bukasa , bukalenga bua mu mpolovensa ke tshibambalu tshidi tshiakuata mudimu mu mpolovensa. Bilondeshila kanungu ka 198 ka meyi makulu a ditunga dia congo wa mungalata, bukalenga bua mu mpolovensa buenza kudi nguvena, nguvena tshindondi ne ba ministele bua mu mpolovensa. Nguvena ne nguvena tshindondi badi babasungula bua bidimu bitanu bidibu bua kupingana musangu umua kudi ba tshipuitamunuamfuanka ba mu mpolovensa badi mu tshimamuenda wa bukalenga anyi pambelu pa tshimamuenda wa bukalenga. kadi badi babasombesha mu nkuasa ku mukanda mutua tshiala kudi mfumu wa ditunga.

” Mireillle Bukasa : Richard Junior , kadi nganyi udi ne bukokeshi bua kusungula ba ministele ba mu mpolovensa ? ”

* Rjk : Mireille Bukasa, ba ministele ba mu mplovensa badi babasungula kudi nguvena munda anyi pambelu pa tshimamuenda wa bukalenga. bungi buabu kabuena mua kupita pa dikumi nansha baulu bidi bikengela ne bantu bonso bikala mu bukalenga ebu. kumpala kua kubanga mudimu nguvena udi uleja bulongolodi buenda bua mudimu kumpala kua tshimamuenda wa bukalenga tshia mpolovensa, padibu bitaba bulongolodi ebu kudi bantu ba bungi ke padiye uteka mu nkuasa ba ministele bua babanga midimu yabu. mbimpa kumanya ne bidimba bia mu bukalenga bua mu mpolovensa badi mua kubumusha ku mudimu ba bungi anyi muntu nkayenda ku dilomba dia bena tshimamuenda wa bukalenga.

” Mireille Bukasa : Richard Junior Kamunga bua kujikija lelu, tuambila ntshinganyi tshid mua kufika pikala nguvena mufua, mulekela mudimu anyi ba mubenga ? ”

* Rjk: Mireille Bukasa, kanungu ka 160 ka meyi 06/006 ka mu dia matuku 09.03.2006 kadi kalongolola masungula a ba mfumu ba ditunga , ba tshipuitamunuamfuanka ba ditunga ne mu mpolovensa badi bajadika ne nguvena yaya mufua anyi mubenga mudimu anyi ba mufunda bua ngenzelu wenda wa mudimu mubi, bidimba bia bukalenga bua mpolovensa bidi pabi bilekela mudimu, nguvena tshindondi ngudi wanji kuludika midimu ya bukalenga bua mpolovensa. badi ne tshia kuenze masungula makuabu mu matuku 15 adi alonda kudi bena Cei, bua kuteka mu nkuasa bena bukalenga bupiabupia bua mpolovensa, bikengela kumanya ne masungula a nguvena ne a nguvena tshindondi adi ne tshia kuenzeka matuku 21 kunyima kua diteka mu nkuasa dia bilo bia tshimamuenda wa bukalenga tshia mu mpolovensa.

Texte de SAMUEL KATSHAKrnOndes CourtesrnTél. :00243998909787rnE-mail : [email protected] [email protected] mu Tshiluba kudi rnRichard Junior KAMUNGArnJournaliste Radio OkapirnTel : 00243/[email protected]@yahoo.fr

Recevez Radio Okapi par email

Donnez votre adresse email dans ce formulaire afin de recevoir tous nos articles dans votre boîte email. Vous recevrez un message de confirmation avec un lien sur lequel il vous faudra cliquer afin que l'envoi d'emails devienne effectif.
Si vous ne voyez pas l'email de confirmation dans votre boîte de réception, allez chercher dans vos spams et marquez le message comme "non spam".  

Votre adresse email :

Service offert par FeedBurner