" Mufidi wa ngenyi mu commune nganyi ne badi bamusungula mushindu kayi ? "

Fichier audio : téléchargez Flash pour écouter.

” Mufidi wa ngenyi mu commune nganyi ne badi bamusungula mushindu kayi ? ”

Rjk : Elysée tshikota, kasumbu ka bafidi ba ngenyi ba mu commune ntshienza bu tshimemuenda wa bukalenga tshia commune. kasumbu ka bafidi ba ngenyi ba ku commune, tshilejilu mu ditunga dia France tshidi tshileja katupa kakesa ka buloba mu territoire, badi ne budikadidi mu mianda ya mpetu. Bua mu ditunga dia Belejike badi babikila amu ne Condeil Communal anyi kasumbu ka bafidi ba ngenyi. Mu ditunga dia congo wa mungalata, mufidi wa ngenyi ku commune, mambala wa tshimamuenda wa bukalenga ku commune. Bilondeshila meyi 06/006 a mu dia matuku 09.03.2066 adi alongolola masungula a mfumu wa ditunga, batshipuitamunuamfuanka ba ditunga , mu mpolovensa, mu bimenga , commune ne misoko yonso ya mu ditunga dia congo wa mungalata, badi baleja ne mafidi ba ngenyi ku commune badi babasungula kudi bantu bonso, udi upeta mitshi ya bungi nkudibu basungula pa lista mukangula. Badi ne bidimu bitanu bidibu mua kupingana kabidi, tshipapu tshiabu tshia masungula tshidi amu commune.

Elysée : Richard Junior, tudi mua kumanya bungi bua nkuasa idibu mua kupesha bafidi ba ngenyi mu commune ?

Rjk : Elysée, kanungu ka 192 ka meyi a masungula nkatokesha pa bualuebu. bungi bua nkuasa idibu bua kupesha bena kasumbu ka bafidi bangneyi mu commune bu nenku, nkuasa 9 pikala commune ne bantu binunu 5 bivuabu bafunda bua masungula, nkuasa11 pikala commune ne bantu binunu 5 too ne binunu 12 ne nkama itanu ya bantu bavuabu bafunda bua masungula, nkuasa13 pikala commune ne bantu binunu 12 ne nkama itanu too ne binunu 25, nkuasa15 pikala commune ne bantu binunu 25 too ne binunu 50 nkuasa18 pikala commune ne bantu badi bapita pa binunu 50.

Elysée :” Richard Junior Kamunga, bua kujikija ne muanda wa bafidi ba ngenyi ba mu commune tshidi tshikengela bua kubasungula ntshinganyi ne badi ne tshia kukumbaja tshinganyi ? ”

Rjk: Elysée Tshikota, lista ya badi bafila mpala bua kuikala ba bafidi ba ngenyi ku commune badi bayifila kudi bena bisumbu bia tshididi, nayi bantu badikadila, mbimpa amu kuvuluija bidibu ne tshiakukumbaja, bikengela kuikala muena ditunga dia congo, kuikala ne bidimu 18 dituku diyaya kufila mpala, wikala ne manema a bu muntu ne a tshididi, ne wikala ne kalata ka basungudi anyi udi mua kukapeta dituku didi ufula mpala. Bilondeshila kanungu 195 ka mu dia matuku 09.03.2006 kadi nomba 06/006 kadi kalongolola masungula a ba mfumu ba ditunga, batshipuitamunuamfuanka ba ditunga , mu mpolovensa, mu tshimenga, commune ne misoko yonso ya mu ditunga dia congo, badi ne tshiakufila mpala ku bilo bia Cei, badi ne tshia kufunda mukanda ku bianza bua kuleja didifila diabu, mukanda udi uleja midimu mienza udi ujika ne tshiambilu etshi Ndinjadila ne bindi mufunda bionso ebi mbilelela ne bia bushiwa. Kudi ne tshia kuikala kabidi photo mikesa inayi, tshimanyinu tshia tshisumbu tshia tshididi ,photocopie wa kalata ka basungudi, mukanda wa diledibua, mukanda udi ujadika ne mufuta makuta binunu 22 bia mfualanga ya muena congo mu difueta dia mbulamatadi idibu kabayi mua ku mupingajila nansha, bena tshisumbu tshiabu tshia tshididi badi ne tshia kufunda mukanda udi ujadika ne mbamuitabila bua afila mpala wenda.

Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected]

Traduit en Tshiluba par rnRichard Junior KAMUNGArnJournaliste Radio OkapirnTel : 00243/[email protected]