Fichier audio : téléchargez Flash pour écouter.
” Inki bau ta sala na mbongo to caution ya C.E.I vuandaka lomba na ba candidats ? ”
* Kana kupona fwana luta na kimpwanza, yau fwana vuanda ya seleka,yau ndimama mpe bantu ke nuanina kiti ya kimfumu bau vuanda mingi, sambu na kupesa nzila na bantu ke pona bau kupona na muntu bau me zola. Ba mambu ba ke lomba na ba ina fwana nuanina kiti ya kimfumu ke sala ti bantu ta pesa mazina ta vuanda mpe ya kufuana.
Mbala mingi kana ba mambu ba ke lomba ya kele ngolo ve,bantu mpe ke sonika mazina sambu na kunuanina kimfumu ke vuanda mingi. Kansi ya fuanda mbote kukiyufusa ba candidat ikwa fuan sambu na kuponama.Kana bantu fwana kuponama kele mingi ve, bantu ke pona mbote ve.Kana mpe bantu ke nuanina kiti ya kimfumu me luta mingi, vana bantu fwana kupona ke mona mpasi sambu na kusola muntu ya mbote. Na République Démocratique du Congo, commission électorale indépendante pesaka insa ti konso muntu ke zola kunuanina kiti ya kimfumu na konso kitina ina, yandi fwana ntete kufuta mbongo to caution . Caution to mbongo uina nde ke monana ti ya seleka muntu ina m baka lukanu ya kukipesa na kisalu. Na ndambu ya kaka beto lenda tuba ti, mbongo ina kele mutindu mosi na garantie sambu na bisalu ya kupona ya konso candidat.
Kulandana na nsiku 06 / 006 ya salamaka na bilumbu ivua ngonda ya tatu na mvula bto ikele,me tala bisalu ya kupona mfumu ya insi, ba ntumwa ya nkangu,na bizunga ba mbanza to na ba localité na kitini nionso ya ntoto ya insi na beto République Démocratique du Congo, ke tuba ti, caution tomongo ina candidat to muntu ke zola kunuanina kiti ya kimfumu me futa ba lenda vutudila yandi ata fioti ve.Sambu yau ke kota na sanduku ya mbongo ya mbula matadi.
” Beto lenda zaba kana mbongo to caution ina fwana pesa konso candidat to muntu ke nuanina kiti ya konso kimfumu na République Démocratique du Congo kele ikwa ? ”
* Nsiku ya kupona kele polele sambu na diambu ina. Ntalu ya kufuta sambu na kuponama ke swasana kulandana na kiti muntu ke zola kuponama ta nuanina.
Mubandu, bantu nionso ke ke nuanina kiti ya kutwadisa insi to kuvanda mfumu ya insi,bau fwana futa millions makumi zole na zole ya ba Fc to 22 millions de Francs congolais. Ba candidat constant députés nationaux to ba ntumwa ya kangu na insi na ba Sénateur bau fwana futa mafunda nkma mosi na kumi ya ba FC to 110 milles Francs congolais , ba candidat députés provinciaux to ba ntumwa ya kangu na inza bau fwana futa mafunda makumi tanu na tanu ya ba Fc to 55 milles Francs congolais ba candidats gouverneurs mpe bilandi na bau fwana futa mafunda nkama sambanu na makumi sambanu to 660 milles Francs congolais ba candidat ntwadisi ya mbanza to maires na kilandi na yandi ba fwana futa ba FC mafunda kama mosi na kumi to 110 milles Francs congolais , ba candidat bourgmestres bau ta futa ba Fc mafunda makumi nana na nana ya ba Fc to 88 milles Francs congolais , na ndambu na bau ba candidat conseillers urbains bau ta futa mafunda makumi zole na tanu ya ba FC to 25 milles Francs congolais. Ba candidat conseillers municipaux na ba chefs ya ba secteur mpe bilandi na bau fwana kufuta mafunda makumi zole na zole ya ba Fc to 22 milles Francs congolais. Sambu na kusukisa, ba candidat conseillers ya secteurs bau fwana kufuta ba Fc mafunda kumi to 10 milles Francs congolais.
” Zabisa beto mbongo ina ba candidat to bantu ke nuanina kiti ya kimfumu vuandaka futa yau ta kwenda wapi to bau ta sala na yau inki ? ”
* Kulandana na mvutu pesaka ntwadisi ya CEI Abbé APPOLINAIRE MALU MALU, mbongo ina bau ta pesa yau na ministère ke tala mambu ya mbongo to ina ya finances. Kuna ministre ya budget kulandana na bisalu na yandi nde tazaba inki mutindu yandi ta sala sambu na kutula mbongo ina na bisalu ya mbula matadi.
Texte de SAMUEL KATSHAKrnOndes CourtesrnTél. : 00243998909787rnExt. : 6961rnE-mail :[email protected] [email protected] Kikongo de :rn Michline-TshwalarnJournaliste équipe électorale rnRadio Okapi/KinshasarnTel: 00243998186793rnExt.:6961
