Fichier audio : téléchargez Flash pour écouter.
inki ya CEI ta kuma na nima ya bansisani to kuponama?
Ya fwana ntete, Jacques Matand Diambi, kubambula mioyo ya nkangu, na kuzabisa ti na kati ya bamambu ya tubamaka na mukanda ya bangwizani ya tulamaka maboko na mbanza Pretoria na insi ya Afrique du Sud, na kilumbu ya 17 ya ngonda kumi na zole ya mvula 2002, ya kele mingi kusimbama ya bansisani ya masonga, mpe na kimpwanza nionso , samu na kutula luyalu ya bansiku. Luyalu ya ta baka ngolo na yau na bansiku ya insi, ya nkangu ndimaka na kilumbu ya 18 ya ngonda kumi na zole ya mvula me luta. Mpe na kulanda lukanu ya ivua ya kilumbu ya 18 ya ngonda iya ya mvula 2002, ya Dialogue Inter Congolais, bwela diaka ya nsiku ya iya, ya basikaka na kilumbu ya tanu ya ngonda ya sambanu ya mvula 2004 ya me tadila kusalama ya inzo ya kuponama; kaka nsiku yayi pesaka na CEI inswa ya kubongisa bansisani ya mfumu ya insi, ya bantumwa ya nkangu na ndambu ya inzo ya kinzonzi, ya bantwadisi ya bambanza, mpe ya babwala. Kansi, samu na kuvutuka na ngiuvula na nge, na nima ya kuponama ya mvula yayi, CEI ta bikala, kansi ta baka zina yankaka.
Kansi, Konso Musiyer, beto lenda kuzwa mwa ngindu na inzo yayi ya ta baka sika ya CEI na nima ya bansisani ?
Ya seleka Matand Diambi, zina ya inzo ya ta baka sika ya CEI n anima ya kuponama ya mvula yayi, kele mingi “ Commission Electorale Nationale Independante” Inzo yayi ta vuanda na kisalu ya kubongisa manaka ya kuponama, mingi kusonika mazina ya bantu ta pona, kusimba mukanda ya ke pesa bansangu nionso ya kuponama, kubongisa bisalu ya kuponama, kutanga matonsi, mpe diaka ya referendum.
Kansi na mutindu nge me katuka kuzabisa yau, inki lususwanu kele na kati ya inzo yayi ya impa ya ta salama ti CEI ?
Jacques, ya fwana kusimba ti inzo yayi ya ta baka sika ya CEI na nima ya kuponama, ta vuanda ti kisalu ya kulandila manaka ya kuponama, mpe referendum. Matand Diambi, lususwanu ya nene kele ve ti CEI, mingi na yayi me tadila bisalu na yau. Kansi, na kumanisa mpangi Jacques Matand, nionso ta zabana mbote-mbote na nsiku mosi ya bantumwa ya nkangu ta pona……
Traduction Kikongo de FOLQUIN KONSO
