- BUKAVU : Nani ya fwete kuyinga mfumu ya kizunga ya Kivu ya nsi ya bantumwa ya nkangu katulaka na mposo me luta. Ya kieleka, kuna, maswana kele mingi.
- KINSHASA : Bainua ke na kulanda na kuzibuka na kubasika na buloko ya mbuta Vital Kamerhe. Bubu yayi, beno ta landa kubokuta ya kimvuka na zina ya Acaj.
- KISANGANI : Kizunga ya Uele ya nsi, nsangu kele ya lufwa ya minganga sambanu, mpe kuwuluka ya zole yankaka na nima ya kudonda ya bwatu ya vandaka ke nata bau na nzadi ya Uere.
- BUTEMBO : Na Kivu ya zulu, nzo na yau ya masonga ya makesa me siamisa nkanu ya yau zengilaka bantu kumi na nana na kati ya makumi zole na zole ; bantu ya bazuzi ya makesa kwendaka kusambisa na mbanza Butembo na kilumbu ya makumi zole na nsambwadi ya ngonda me luta.
- MONUSCO : Makesa ya Monusco mpe ya nsi na beto tulaka maboko, mazono, kizole na mukanda mosi ya me tadila inki mutindu ya ba fwete kunuanisa kintwadi bimvuka ya bimpumbulu na ndambu ya Esete ya nsi na beto.
- BUNIA : Na kizunga ya Ituri, bantu ya tinaka mvita mpe ya kele bubu yayi na kiteso ya bisika nsambwadi na Territoire ya Djugu kele na kutita bimpumbulu ya Codeco ; ya me lunga bubu yayi kiteso ya ngonda mosi.
/sites/default/files/2021-12/0812021-p-k-journalkikongomatin-00.mp3
