- KINSHASA : Na bansangu yayi, beto ta tubila kubasika ya manaka ya bisalu ya CENI ti na mvula mafunda zole na makumi zole na nsambwadi.
- BUNIA : Na nima ya bumvuanzi ya bimpumbulu ya Codeco salaka na kizunga ya Ituri, na sika ya ba me tula mabuta ya tinaka mvita, inki luzingu ntangu yayi kuna.
- MATADI-KIBALA : Mpe awa na mbanza Kinshasa, kisumbula ya Matadi-Kibala kele diaka na bainua ya bantu ; beto ta zaba nionso kaka na nima ya mwa bantangu.
- KINSHASA : TERRITOIRES: Bamillion nkama iya na makumi tanu ya ba dollars kele ntalu ya mbongo ya luyalu me bongisa samu na kutomisa ba Territoire ya nsi na beto. Na nionso, luyalu fwete kubasisa milliard mosi na ndambu samu na bisalu nionso na mutindu ya yau fwete kusalama kuna na ba Territoires.
- BENI : Na Kivu ya zulu, bimpumbulu ya ba Adf kotilaka diaka nkangu na mpimpa ya mazuzi na bwala Nobili na Territoire ya Beni, mingi na ndilu ti nsi ya Ouganda. Bantu tanu vidisaka mioyo na bau. Mpe na suka ya mazono, bantu ya tinaka mpimpa mpimpa na nsi ya Ouganda vutukilaka banzo na bau. Mpe na nsangu ya me katuka na ndambu ya makesa ya nsi, mambu nionso kele na maboko na bau.
- MITWABA : Beto tubila mpe mwa ngemba yayi ya me vutuka na Mitwaba, na nima ya mavuanga ya lutaka, na suka ya mazuzi. Kansi atako ti ntalu ya kieleka ya bantu me baka lufwa me zabana ve, bansangu ke zabisa ti bantu fwaka na ndonga ya bimpumbulu ya ba Bakata Katanga, na kunuana ya lutaka na kati ya bimpumbulu yina ti makesa ya nsi. Bamai mai ya me tina na nseke.
/sites/default/files/2022-02/0402022-p-k-journalkikongomatin-00.mp3
