- Kinshasa: Balongi 12 ba (ISTA) Kinshasa bavua bipata lumingu lushala bua bivundu bivuabu bajula munkatshi mua tshilongedi etshi ne bafundibua kabidi ku kabadi bua kuandamuna ku malu adibu benza .
- Kinshasa: Ku isc gombe tshisumbu tshia bantu tshiua tshilua bua kubueja bivundu mu dinda dia lelu .
- Kinshasa:Midimi mmituadija lelu ku IFASIC kunyima kua dimanyika dia midimu eyi mu dia matuku 22 ngondu ewu bua bivundu bivua balongi benza balomba dipuekesha dia minerval .
- Bukavu:Ku Sud Kivu, tshisumbu tshia ba ntoboji ba Nyatura bavua baya kudilambula kudi ba FARDC mu ngondu wa dikumi ne muibidi tshidimu tshishala mbubuka bonsu muaba uvuabu ku tshitudilu tshia Numbi mu territoire wa Kalehe ku ndekelu kua lumingu lushala .
- Goma:Ku Nord-Kivu , bantu 21 mbashipa munkatshi muabu muena manema a bantu umua . bonsu aba mbashipa mu lumingu lumua kutuadija mu dia matuku 20/01-to ne mu dia matuku 25 /01/20 mu territoire wa Rutshuru..
- Mbandaka:Bua mulombodi wa midimu mu FCC miaku ya mfumu wa ditunga mu matunga menyi ne diandamuna dia mulombodi wa ’assemblée nationale,bidi bileja ne diuvuangana pankatshi pa CACH ne fcc didi mua kujikija anyi ? too bidi anu anu mu menji a bamua bantu.
- Kinshasa: Bia kudia ne bintu bikuabu bidi bisumbishibua anu pabuipi ne bukoya, kakuena mutu udi ubutuka to .
/sites/default/files/2020-01/27012020-a-t-journaltshilubasoir-web.mp3
