Fichier audio : téléchargez Flash pour écouter.
Richard junior kamunga tuambilaku tumanya mudimu kayi menemena wa mfumu wa ditunga ?
Rjk: Vicky Odia , mudimu wa mfumu wa ditunga mushindika mu tshibungu tshia meyi makulu a ditunga dia congo wa mungalata. kanungu ka 69 ka meyi aa kadi kaleja ne mfumu wa ditunga ka udi ulombola ditunga , ngudi uleja mpala wa ditunga ne bimanyinu bia dituangaja dia ditunga. mfumu wa ditunga udi ubabidila bua dinemeka dia mikenji ya ditunga pa ditangila nkuatshilu wa mudimu mu bibambalu bia mbalamatadi ne tusumbu tushilashilangana. ngudi ne bukenka bua dipanda dia ditunga ne dituangaja dia ditunga dijima pa kunemeka ndondu mitua ne matunga menyi. mfumu wa ditunga ngudi utua tshiala bua kuteka ministele kavulambedi mu nkuasa , wa aba badi ne nkuasa ya bungi ku tshimamuenda wa bukalenga kunyima kua bobu bamana kupetangana munkatshi muabu, udi mua kujikija midimu yenda bobu bamupesha mukanda wa kulekela nawu mudimu kudi bena bukalenga. mfumu wa ditunga udi utua kabidi tshiala bua bidimba bikuabu bia bukalenga ne ujikija midimu yabu klu dilomba dia ministele kavula mbedi.
Vicky: Richard Junior, mushindu kayi mena wenzeka masungula a mfumu wa ditunga ?
Rjk : Vicky, meyi adi nomba 06/006 a mudi amtuku 09.03.06 adi alongolola masungula a ba mfumu ba ditunga, batshipuita munua mfuanka ba ditunga, mu mpolovensa , mu bimenga, coummune ne ku misoku maleja ne mfumu wa ditunga badi ba musungula kudi bantu bonso mu bitupa bibidi bua bidimu bitanu bidibu mua kuambulula misangu ibidi tshianana. Kanungu ka 102 ka wowo meyi aa kadi kashindika ne bena kasumbu kadikadila ka masungula badi ne tshia kuenzeja masungula a mfumu wa ditunga matuku 90 nayi ngondo isatu kumpala kua mandat anyi midimu ya mfumu udi mu nkuasa kayiyi mianji kujika nansha.
Vicky: Richard Junior kamunga , bua kujikija lelu , tuambilaku ntshinganyi tshidi muntu bua kukumbaja pikalaye musua kushala mfumu wa ditunga ?
Rjk : Vicky Odia , muntu yonso udi musua kufila mpala bua kuikala mfumu wa ditunga udi ne tshia kukumbaja bintu ebi: tshiakumpala kuikala muena Congo mulelela. Tshibidi wikala ne bidimu 30 dituku didi ne tshia kufila mpala. Tshisatu wikala ne manema a bu muntu ne a tshididi . Tshinayi wikala ne kalata ka basungudianganyi anyi udi mua kukapeta dituku didi ufila mpala ku Cei. Nushala kumanya ne mfumu wa ditunga udi ne tshia kubanga mudimu wenda matuku 10 kunyima kua difila dia bipeta bia ndekelu. kumpala kua kubangaye mudimu udi ne tshia ku ditshipa tshieleka wamba meyi aarnMema mukalenga anyi Inabanza kampanda anyi kansanga, musungula bu mfmu wa ditunga dia congo wa mungalata, ndi nditshipita kumpala kua Nzambi ne kua bantu bua kunemeka ne kusungila meyi ne mikandu bia ditunga, bua kulama dipanda ne ditunga dijima pa kulombola malu onso mu dinemeka dia manema a bantu, pa kudifila ne bukola buanyi bonso pa kutunguluja midimu yonso ne bupole, pa kukumbaja ne kaloolo diambuluisha dia bantu mudimu munena udibu bampesha.
Texte de SAMUEL KATSHAK rnOndes CourtesrnTél. : 00243998909787rnE-mail : [email protected] [email protected]
Traduction Tshiluba de Richard Junior KAMUNGArn Journaliste Radio Okapirn Tel : 00243/816037466rn [email protected] [email protected]
