Fichier audio : téléchargez Flash pour écouter.
” Ndishilangana kayi didi pankatshi pa madisuisha a masungula mamanya kudi mbulamatadi ne madisuisha a masungula mu tshiambilu nanku ? ”
Rjk : Kumpala kua kuandamuna ku lukonku lueba Elysée Tshikota, mbimpa kuanji kuvuluija ne masungula ndiba didi bantu basungula badi mua kubalombola anyi baleji mpala yabu mu bitupa bishilashilangana mu malu a tshididi, bubanji ne nsombelu mulenga. Vote mushindu udi bena ditunga baleja meyi abu pakuangata dipangadika pa kusungula balombodi bapiabapia ne meyi adi mua kulombola ditunga disatu dia congo. Vote anyi diela dia kakanda didi dienzeka kudi muntu nkayenda ne kuena mua kutuma muntu bua akuenzela vote nansha. Bua kupingana ku lukonku lueba Elysée , tshikondu tshia madisuisha momumua ne tshikondu tshidi tshidianjila masungula, bena bisumbu bia tshididi ne bantu badi bafila mpala badisuisha mbua babelela tukanda kudi bantu, kadi mbimpa kumanya dishilangana. madisuisha a masungula mitaba kudi mbulamatadi ntshikondu tshidi bantu badi bafila mpala bapita ku tudiomba ne bafundisha mu bikandakanda ne bionso ebi bdi bienzeka mudilonda dia mikenji ya masungula, bantu bonso badi badi mua kupeta meba a momumua . Mu ditunga dia congo bena haute autorité des médias mbadi ne tshia kukontonona bua ne banemeka mikenji yonso eyi. bilondeshila kanungu ka 28 ka meyi amu dia matuku 09.03.2006 kadi 06/006 adi malongolola masungula a ba mfumu ditunga ne batshipuitamunua mfuanka mu ditunga dijima, adi ne tshia kubanga matuku 30 kumpala kua masungula ne adi ne tshia kujika dituku dimua kumpala kua masungula, tuamba bimpa madisuisha ne abanga mu dia matuku 29.06 ne adi ne tshia kujika mu dia matuku 29.07.2006.
Madisuyisha mu tshiambilu bidi bileja tshikondu tshidi bena bisumbu bia tshididi baleja ngenyi yabu ne bulongolodi buabu, tshikondu etshi katshivua tshilongolola kudi meyi a masungula nansha. Kadi mikenji ya mu diyi dikulu dia ditunga kudi bibawu bidibu balongolola pa kunemeka bantu pa kuepuka dishiminyina muntu bualu, kukeba lukinu mu bantu, kunyangila muntu lumu, bidi bikengela bena bisumbu bia tshididi banemeka meyi aa.
Elysée : Richard Junior , mpindieu tudi muakumanya ne badi mua kuenza madisuisha mbanganyi ne bidi mua kuenzeka mushindu kayi?
Rjk : Elysée Tshikota, meyi a masungula adi apesha bantu bonso ne bena bisumbu bia tshididi bukokeshi bua kudisuisha mu tshikondu tshifunda, kanungu ka 29 ka meyi a masungula nkajadika ne badi ne tshia kuenza bionso pa kunemeka meyi a mbulamatadi, anu badi bafila mpala ne bena bisumbu bia tshididi mbadi balongolola madisuisha, bisangilu bidi ne tshia kuenzeka mu budisuila bonso mu ditunga dijima dia congo kadi bikengela kufunda mukanda ditu dimua kumpala kua tshibilu bua kumanyisha balombodi ba mbulamatadi, kadi badi badi balongolola tshibilu badi ne tshia kukuba bantu babu bua ne malu onso apitakana amu bimpa, nangananga pa bidi bitangila bupole, dilamika dia bindidimbi, photo nditabuja bilondeshila meyi a Cei kadi kabena mua kulamika ku bibambalu bia mbulamatadi nansha.
Texte de SAMUEL KATSHAKrnOndesCourtesrnTél. : 00243998909787rnExt. :6961rnE-mail : [email protected] [email protected] mu tshiluba kudi rn Richard Junior KAMUNGArnJournaliste Radio OkapirnTel : 00243/[email protected]
